පරිගණක වයිරසයට අවු29යි

මුල්ම පරිගණක වයිරසය හැදුවේ අවු14 ළමයෙක්

මීට අවුරුදු 29 කට කලින් රිචඩ් ස්ක්‍රෙන්ටා ඇමරිකාවේ මවුන්ට් ලෙබනන් උසස් පාසලේ ඉගෙනුම ලබමින් සිටියේය. අලුතින් ම ආ ළමයින් අතරින් අපල් 2 පරිගණක පාවිච්චි කරන ළමයින් අතරින් කෙනෙකු වූ ස්ක්‍රෙන්ටාට පන්තියේ අනෙක් ළමයින්ගෙන් බේරුමක් නැති විය. ඔහුගෙන් විවිධ වැඩසටහන් ඉල්ලන්නට වුවේය. එය ස්ක්‍රෙන්ටාට මහත් වදයකි.
 
   මින් බේරෙන්නට ක්‍රමයක් කල්පනා කළ ස්ක්‍රෙන්ටා නොයෙක් වැඩසටහන් ලියමින් ඒවා ඩිස්ක් වලට එක් කරන්නට විය. මේ ඩිස්ක් ඕපන් කළ විට නොයෙක් දේවල් ඕපන් වෙන නිසා ස්කෙන්ටා‍ගෙන් ඩිස්ක් ඉල්ලන්නට බොහෝ අය බිය විය. 1982 දි ස්ක්‍රෙන්ටා අලුත් වැඩසටහනක් ලිව්වේය. එය පරිගණකයට ඇතුල් වුනු පසු පරිගණකයේ තිරයෙන් මෙසේ පනිවිඩයක් දිස් වෙයි.
         it will get on all your disks
         it will infilitrate your chips
         yes it is Cloner

 මේ පණිවුඩය දිස් වන්නේ එය අඩංගු ඩිස්කය පරිගණකය බුට් කරන විටය. එවිට මේ වැඩසටහන ඇති ඩිස්කයෙන් වැඩසටහනේ කොපියක් පරිගණකය මත රදවයි. දැන් මේ පරිගණකයට ඉතා පිරිසිදු ඩිස්කයක් ඇතුල් කළද වැඩසටහන ඒ ඩිස්කයට ඉබේම කොපි වේ. ඉබේම කාටත් නොදැනි කොපි වීම වයිරස් වල ලක්ෂණයකි. ඒ නිසා රිචඩ් ස්ක්‍රෙන්ටා මේ හැදුවේ වයිරසයකි. එයට දුන් නම එල්ක් ක්ලෝනර් ය.
එම නිසා ලොව පළමු පරිගණක වයිරසය නිපදවු රිචඩ් ස්ක්‍රෙන්ට ඒ වන 14 වැනි වියේ පසු විය.


    මීට අවුරුදු 29 කට කලින් තමන් නිපදවු වයිරසය ගැන රිචඩ් ස්ක්‍රෙන්ටා ඇසෝසියස්ට් ප්‍රෙස් (Asosiast Press) පුවත් සේවයට පැවසුවේ මෙසේයි. "ඒක ඇත්තට ම මම කළේ විහිලුවක්"